Ólst upp við vítamínin frá Gula miðanum

Sep30

Guli miðinn er breið lína bætiefna sem hefur verið pökkuð og seld á Íslandi í yfir 25 ár og er því flestum landsmönnum kunn. Línan er þróuð með þarfir Íslendinga að leiðarljósi. Áhrifavaldurinn Lína Birgitta Sigurðardóttir hefur lengi tekið inn vítamín frá Gula miðanum með góðum árangri.

Bætiefnin frá Gula miðanum ættu að vera flestum landsmönnum kunn. Vítamín- og bætiefnalína Gula miðans inniheldur breiða línu bætiefna fyrir almenna vellíðan. Þau eru þróuð og valin sérstaklega með þarfir Íslendinga að leiðarljósi og samkvæmt evrópskum stöðlum um magn innihaldsefna og hámark leyfilegra dagskammta. Guli miðinn býður upp á flestar vinsælustu tegundirnar af vítamínum og almennum bætiefnablöndum sem fólk þarf á að halda á lífsleiðinni.

Lína Birgitta Sigurðardóttir er lærður einkaþjálfari, förðunarfræðingur og stílisti. Hún starfar á samfélagsmiðlum og hannar auk þess æfingaföt fyrir fyrirtæki sitt Define the Line Sport. Hún hefur tekið inn bætiefni frá Gula miðanum í mörg ár og mælir hiklaust með þeim.

„Ég er með járnskort og þarf að taka inn járntöflur. Ég tók áður inn aðra tegund en var alltaf illt í maganum. Ég tengdi það ekki við töflurnar fyrr en ég hætti að taka þær inn og lagaðist. Ég fór svo að taka inn járntöflurnar frá Gula miðanum og leið miklu betur,“ útskýrir Lína.

„Það er algengt að fólk fái í magann af járntöflum, þær eru mismunandi samsettar og missterkar. Ég mæli 100% með járntöflunum frá Gula miðanum. Ég hef aldrei fengið magaverk af þeim. Það er líka C-vítamín í þeim sem gerir það að verkum að járnupptakan verður enn betri.“

Finnur fljótt mun ef vítamínin gleymast
Lína segir að hún verði að taka inn járn, sink, B- og D-vítamín. „Ég er grænmetisæta og vil passa vel upp á vítamínin og steinefnin í líkamanum. Ég tek samt hvíldir inn á milli, bæði með járnið og sinkið.“

Hún finnur fljótt mun á sér ef hún gleymir að taka vítamínin. „Þegar ég hef tekið pásu í smá tíma þá finn ég að líkaminn kallar á vítamín. Ef ég gleymi til dæmis að taka járn þá finn ég þessi algengu einkenni járnskorts eins og orkuleysi og svima. En ég mæli samt ekki með að fólk taki inn járntöflur nema að láta athuga það með blóðprufu hvort líkamann vanti járn. Ofhleðsla á járni er ekki góð og hefur svipuð einkenni og járnskortur.“

Vegna magasjúkdóms passar Lína líka vel upp á að taka alltaf inn B-vítamín. „Ég tek líka inn B-vítamín fyrir hárið og neglurnar og D-vítamín yfir veturinn af því að þá fáum við svo litla sól. D-vítamín er nauðsynlegt fyrir beinin, ónæmiskerfið og heilann sem dæmi. Það er oft talað um að D-vítamín hjálpi þeim sem eiga það til að finna fyrir skammdegisþunglyndi,“ útskýrir Lína.

„Ég kaupi alltaf vítamín frá Gula miðanum af því ég þekki þau. Mamma notaði þau alltaf og þau voru alltaf til heima þegar ég var yngri. Þau hafa reynst mér vel.“

Mjög háir gæðastaðlar
Vítamín í Gula miðanum eru þróuð og framleidd í samstarfi við hágæða framleiðendur í Bandaríkjunum og Bretlandi sem Heilsa hefur starfað með í rúma þrjá áratugi. Um er að ræða framleiðendur með mjög háa gæðastaðla og sem starfa samkvæmt ströngustu öryggis- og gæðakröfum.

Framleiðendur eru með GMP- gæðavottunarkerfi og hafa á að skipa fullkomnum rannsóknarstofum til að þróa og prófa hráefni. Rannsóknir á virkni og hreinleika efnanna fara bæði fram á þeirra eigin rannsóknarstofum auk þess sem óháðir aðilar eru fengnir til að staðfesta virkni og hreinleika efnanna.

Allar umbúðir Gula miðans eru endurvinnanlegar. Vörunum er pakkað í dökk glerglös til að varðveita gæði innihaldsefna sem best og verja þau gegn birtu og sólarljósi sem og mengun frá plastumbúðum.

Guli miðinn fæst í stórmörkuðum, apótekum og í heilsuvöruverslunum. Hann fæst einnig í netverslun Heimkaupa, Nettó, Heilsuhússins og Lyfju.

Tryggir að líkaminn sé í lagi

Sep30

Í hröðum heimi er streita og álag. Því er nauðsyn að taka inn vítamín og bætiefni til að tryggja að líkaminn sé í toppstandi. Bætiefnaskortur getur valdið þreytu, sleni, þrekleysi og jafnvel vanheilsu.

hrifavaldurinn Þórunn Ívarsdóttir er ein af þeim sem hlúa að heilsu og vellíðan með vítamínum og steinefnum frá Gula miðanum.

„Mér finnst gott að taka inn eitt alhliða fjölvítamín eða múltívítamín. Þá tryggi ég að líkami minn sé að innbyrða vel samsetta blöndu af bætiefnum,“ segir Þórunn sem tekur inn Múltí Vít frá Gula miðanum sem inniheldur tólf vítamín og tíu steinefni.

„Dagleg inntaka Múltí Vít byggir upp líkamann og stuðlar að hreysti og góðri heilsu. Ofan á það finnst mér gott að breyta til og taka inn mismunandi bætiefni eftir árstíma eða því hvernig mér líður hverju sinni. Til dæmis finn ég mikið fyrir verkjum í liðum og þá er algjört grundvallaratriði fyrir mig að taka inn blöndu af glúkósamíni,“ upplýsir Þórunn.

Liðaktín Forte frá Gula Miðanum er ný og kraftmikil blanda virkra efna sem vinnur saman að bættri heilsu og hámarksárangri.

„Blandan inniheldur ekki bara glúkósamín heldur líka kondróitín. Með því að taka þessi tvö efni saman hjálpar maður líkamanum að viðhalda uppbyggingu brjósks. Þessi tvö efni hafa möguleika á að hægja á brjóskskemmdum í liðum og draga úr sársauka. Einnig inniheldur blandan túrmerik sem er bólgueyðandi, dregur úr sársauka og mýkir upp stífa liði,“ útskýrir Þórunn.

Hún gætir þess einnig að taka inn D-vítamín þegar sumri hallar og skammdegið tekur við.

„Undanfarið hef ég fundið mikinn mun á mér við að taka inn D-vítamín en eins og við vitum sést lítið til sólar stóran hluta ársins. D-vítamín er oft kallað sólarvítamín vegna þess að húðin framleiðir það þegar hún verður fyrir áhrifum útfjólublárra geisla. D-vítamín er nauðsynlegt til að skjaldkirtill og fleiri kirtlar líkamans starfi eðlilega,“ segir Þórunn.

Virt og vistvæn vítamín
Guli miðinn er breið vítamín- og bætiefnalína sem flestir þekkja í sjón. Henni hefur verið pakkað og hún seld á Íslandi í næstum 30 ár. Vítamín og bætiefni Gula miðans eru þróuð með þarfir Íslendinga í huga. Úrvalið er breitt og hægt er að finna hinar ótrúlegustu blöndur vítamína og steinefna frá Gula miðanum. Það var Örn Svavarsson, stofnandi Heilsu, sem vann með það að leiðarljósi að finna bestu mögulegu hráefni og kenndi Íslendingum að nota jurtir og um virkni þeirra. Því með réttum vítamínum og bætiefnum er hægt að stuðla að bættri heilsu og betri líðan.

Vörunum frá Gula miðanum er pakkað í dökk glerglös til að varðveita gæði innihaldsefnanna sem best og verja þau gegn birtu, sólarljósi og mengun frá plastumbúðum. Allar umbúðir Gula miðans eru endurvinnanlegar og mega glösin fara í endurvinnslu glers og tapparnir í endurvinnslu plasts. Vörur Gula miðans eru framleiddar í samstarfi við bandarískt fyrirtæki og hefur Heilsa starfað með því í rúma þrjá áratugi. Fyrirtækið er gamalt og rótgróið með gífurlega reynslu í þróun og framleiðslu á vítamínum og bætiefnum.

Guli miðinn fæst í stórmörkuðum, apótekum og í heilsuvöruverslunum. Hann fæst einnig í netverslun Heimkaupa, Nettó, Heilsuhússins og Lyfju.

Vítamín Gula miðans fyrir orku og vellíðan

Sep30

Sófakartaflan ég komin á fullt í hreyfingu, trúessekki. Frá því ég bókstaflega rúllaði út úr sófanum fyrir 7 árum og skakklappaðist út að hlaupa, rauðglóandi í framan eins og bavíani með astma, stíf, stirð og verkjuð, hef ég átt miklu betra líf bæði andlega og líkamlega.

Eðlilega finnur „næstum því“ miðaldra skrokkurinn minn alveg fyrir auknu álagi, enda ekki vanur því að hann sé keyrður áfram í öllum þessum ævintýrum. Ég hef því aðeins þurft að spyrja mér fróðara fólk varðandi vítamín, steinefni og næringu. Hvað þarf „næstum því“ miðaldra skrokkurinn að setja ofan í sig til að geta haldið áfram þessu brölti því það kemur sko alls ekki til greina að minnka það eða hætta.

Magnesíum frá Gula miðanum er algjört undraefni og í mínum huga eiginlega algjört galdraefni fyrir endurheimt eftir mikil átök. Magnesíum er steinefni sem sérhver fruma líkamans þarf á að halda, það er fjórða mikilvægasta steinefni líkamans og er því gríðarlega mikilvægt fyrir almenna heilsu okkar. Ég nota magnesíum þar sem það minnkar líkur á að ég fái krampa í löngu hlaupunum, auk þess sem það stuðlar að hraðari endurheimt orku eftir æfingar og tryggir betri svefn og hvíld.

Liðaktín Forte frá Gula miðanum er ný og kraftmikil blanda virkra efna sem vinna að bættri liðheilsu og liðleika. Þess vegna er Liðaktín Forte svona mikilvæg fyrir hlaupara og fólk sem er í hreyfingu þar sem álag á liðina er mikið. Blandan inniheldur glúkósamín, kondróitín, MSM, túrmerik og C-vítamín. Rannsóknir styðja að blanda glúkósamíns, kondróitíns og MSM geti dregið úr bólgum og þannig unnið gegn óþægindum og verkjum, sérstaklega í hnjám, mjöðmum og stífum liðum. Eins er blandan mögulega talin geta dregið úr frekara niðurbroti á brjóski í liðum.

D3-vítamín frá Gula miðanum fer nauðsynlegt bætiefni fyrir okkur Íslendinga, þar sem við náum ekki að vinna það úr sólarljósinu nema stuttan tíma á ári. D vítamín er nauðsyn fyrir eðlilega beinþéttni, ónæmiskerfið, blóðsykurs og þyngdarstjórnun, taugakerfið, lundina og verkjastjórnun.

B-vítamín frá Gula miðanum fyrir fjör og frískleika! Þá er það eitthvað fyrir mig. Ég hreyfi mig ekki til að grenna mig, ég hreyfi mig til að líða betur, ég hreyfi mig af því það er svo gaman, af því þá brosi ég meira, af því þá líður mér betur og af því þá get ég haldið áfram að borða það sem mig langar í og það skrítna er að allt í einu eftir að hafa verið að hreyfa mig rosalega mikið fór mig líka bara að langa miklu meira í mat sem er betri fyrir mig.

Omega3 er gott fyrir liðina en í bónus er það einnig gott fyrir húðina, hormónakerfið, hjartað, æðakerfið og geðheilsuna. Omega 3 stuðlar að góðu andlegu jafnvægi og hjálpar til við að halda liðunum mjúkum. Omega3 fitusýrur er mikilvægar hverri frumu líkamans.

Guli miðinn fæst í stórmörkuðum, apótekum og í heilsuvöruverslunum. Hann fæst einnig í netverslun Heimkaupa, Nettó, Heilsuhússins og Lyfju.

Sidebar